• শিশুৰ সৰ্বাংগীন বিকাশ সাধন
• শিশুৰ প্ৰতিভা, জ্ঞান আৰু সম্ভাৱনীয়তাৰ বিকাশ সাধন
• শিশুৰ শাৰিৰীক আৰু মানসিক উন্নয়ন
• শিশুকেন্দ্ৰিক আৰু শিশু উপযোগী পৰিবেশত বিভিন্ন কাৰ্য মাধ্যমত শিক্ষা গ্ৰহণৰ সুবিধা প্ৰদানত গুৰুত্ব আৰোপ কৰা
• শিকাৰ মাধ্যম যিমান দূৰ সম্ভৱ যাতে শিশুৰ মাতৃভাষাতেই হয় তাৰ ওপৰত লক্ষ্য ৰখা
• ভয়, সংঘাত আৰু উদ্বেগৰ পৰা মুক্ত কৰি শিশুৱে যাতে নিজস্ব মনোভাৱ স্বাধীনভাৱে ব্যক্ত কৰাৰ সুযোগ লাভ কৰে তাৰ প্ৰতি দৃষ্টি দিয়া
• নিয়মিত আৰু ব্যপক মূল্যাংকনৰ বাবে প্ৰয়োজনীয় নিৰ্দেশনাৱলী প্ৰস্তুত কৰা
• NCERTৰ নিৰ্দেশনাৱলী অনুসৰি শিশুৰ বয়সোপযোগী পাঠ্যপুথি প্ৰস্তুত কৰা
• NCTE,২০০৯ৰ নিৰ্দেশনাৱলী অনুসৰি এবছৰীয়া আৰু দুবছৰীয়া প্ৰশিক্ষণৰ আৰ্হি প্ৰস্তুত কৰা
• কৰ্মৰত শিক্ষকসকল সামৰ্থ বৃদ্ধিৰ বাবে শিক্ষক প্ৰশিক্ষণৰ আৰ্হি প্ৰস্তুত কৰা
• DICT/BRC অথবা CRCৰ দ্বাৰা বিদ্যালয়সমূহৰ সামগ্ৰীৰ নিৰূপণৰ বাবে প্ৰয়োজনীয় নিৰ্দেশনাৱলী আদি প্ৰস্তুত কৰা।

ইয়াৰ উপৰিও একাডেমীক অ’থ’ৰিটীয়ে-

• বিশেষ প্ৰশিক্ষণৰ খচৰা, বয়স উপযোগী শিকণ সামগ্ৰীৰ উন্নয়ন আদিৰ বিষয়ত অনুমোদন জনাব লাগে।
• NCTEৰ নীতি-নিয়ম অনুসৰি ৰাজ্যখনত কোনো শিক্ষকৰ নিয়োগৰ ক্ষেত্ৰত প্ৰয়োজনীয় যোগ্যতা নিৰূপণৰ ক্ষেত্ৰতো অ’থ’ৰিটীয়ে দিহা-পৰামৰ্শ প্ৰদান কৰে।
• শৈক্ষিক ক্ষেত্ৰত উন্নয়নৰ স্বাৰ্থত চৰকাৰে সময়ে সময়ে প্ৰদান কৰা দায়িত্বসমূহো এই অ’থ’ৰিটীয়ে পালন কৰিব লাগে।

SCERTক শৈক্ষিক কৰ্তৃত্ব হিচাপে ঘোষণা কৰাৰ পিছত-

• SCERTয়ে ৰাষ্ট্ৰীয় পাঠ্যক্ৰম ৰূপৰেখাত,২০০৫ত উল্লেখিত ধৰণে ৰাজ্যখনতো প্ৰথম শ্ৰেণীৰ পৰা অষ্টম শ্ৰেণীলৈকে ১০টা মাধ্যমত পাঠ্যপুথিসমূহ নতুনকৈ প্ৰস্তুত কৰি উলিয়ায়।
• একেদৰে NCFTE ২০০৯ৰ আধাৰত SCERTয়ে কৰ্মৰত শিক্ষকসকলৰ প্ৰশিক্ষণৰ ৰূপৰেখা প্ৰস্তুত কৰে।
• ২০১৩ চনৰ শৈক্ষিক দিনপঞ্জীত ছাত্ৰ-ছাত্ৰীসকলৰ মূল্যাংকন কৌশল প্ৰস্তুত কৰি উলিয়ায়।
• ২০১৩ বৰ্ষত সংসাধন প্ৰস্তুত কৰি উলিয়ায়।
• শিক্ষাৰ অধিকাৰ আইন, ২০০৯ৰ ধাৰা ৪ত উল্লেখিত ধৰণে বিশেষ প্ৰশিক্ষণৰ বাবে পাঠ্যপুথি আৰু কাৰ্যপুথি প্ৰস্তুত কৰি উলিয়ায়।